Hukum ka High Court ban thep affidavit ka sorkar, halor ka kam sia lieh

Shillong, 29 Nailur:
Ka Meghalaya High Court ha kane ka sngi Palei ka la bthah iaka sorkar jylla ba kan thep da ka affidavit ha kaba iadei bad kam sialieh ne ka bamsap thungkam nong-hikai LP Skul ha ka jylla ha u snem 2009.
Ia kane ka kam bamsap la paw pen ryng-kew lyngba ka jinglap ka Central Bureau of Investigation (CBI) ha ka jingtohkit jongka ha utei u snem. Kane ka hukum ka Kashari ka la long hadien ba u Amicus Curiae u K Paul bad u nong-iasaid ka jylla u Bah P Nongbri u la ong ba kane ka kam la bynshet ha ka kti ka Supreme Court.
Kine ki la iasaid ba ia kane ka kam kaba la ujor da ka president ka Civil Society Women Organization (CSWO) ka Kong Agnes Kharshiing ym lah ban leh ha kajuh ka por.
Ka Special Leave Petition (SLP) ba la ujor halor kane kam kaba iadei bad ka kam bamsap namar ba ka dang sahteng ha ka Supreme Court.
Ka High Court ha ka hukum ka la ong ba, “Lada ka long kumta, u nongiasaid ain u dei ban ai da ka affidavit halor kane”. Kala buh ban bishar biang ha ka 3 tarik Risaw.
Ka Kong Kharshiing ha ka dorkas jongka ka la pan ia ka jingtuklar ka Kashari halor ka jingbym leh eiei jong ki pulit halor ka ejahar ba la dep ujor halor kane ka kam.