Thied uniphom ka Municipal ia ki nongpynkhuid

Shillong, 29 Nailur:
Ka Shillong Municipal Board (SMB) ka la sam sopti uniphom sha ki 400 ngut ki nongpynkhuid jongka kynthup ki nongsar, nongniah kali, bad ki nonglum niut na ka skhim Swachh Bharat.
Ia kine la thied na ka skhim Swachh Bharat Mission 2015-16 kaba la kot sha ka T. 4,80,000, la ong u CEO ka SMB u Bah BS Sohliya. Kine ki tiar ba la thied ki long kum ki jacket, tupia, sopti, bad ki patlun lyngkot ba la sam da u myntri tnad sor u Bah Ronnie Lyngdoh ha ka 28 tarik Nailur 2016.
Ha kane ka sngi, ka SMB ka la ai burom ruh ia ar ngut ki nongsar bad 2 ngut ki nongpeit ia ki kali, lai ngut ki nongniah kali bad lai ngut ki mazdoor na ka bynta ka kam shakri jongki.
La sam ia ki da ki syrnot bad ka pisa.
“La donkam ban khang noh ia ki plastic namar ba kim pyut bad ki dei ki nongpynsniew ia ka jingkhuid bad ka nongpynlang jaboh”, la ong u Bah Ronnie.
Ki sopti ba la sam ki long ki sopti bad la kijong ki dak ia ki nongtrei ka SMB. Ki don kumba 50 tylli ki sopti rong Blue Shirt ia ki supervisor, 1500 tylli ia ki glow jacket ia ki nongtrei sha madan bad 500 tylli ia ki Navy Blu.