Kwah pom dieng ka FKJGP sha Mawlai

Shillong, 28 Nailur:
Ka Seng FKJGP Mawlai Circle ka buh ka jingkyrpad ia ka tnat khlaw jong ka Sorkar Jylla ba kan sngewbha ban peit lem na ka bynta ban pynpom lang noh ia ki dieng kiba don harud surok kiba la jan khyllem kum ha Mawlai Mawroh P.T.S ter-ter bad kumjuh ruh ha ki rud surok jong ka National Highway Mawlai Mawiong bad sha kiwie kiwei ki bynta jong ka shnong Mawlai hi baroh kawei. Namar ba mynta hi ka dang dei ka aiom slap bad ka Seng ka la lap ruh ba bun na ki dieng ki la shong ha ka khyndew kiba la jan twa, dei na kane ka daw ba ka Seng ka kyntu ia ka Department ba dei peit ba kan shim khia ban pynpom lang noh ia kitei ki dieng khnang ba kan ym wanrah ka jingjia kaba sngewsih ia ki khynnah Skul, ki paidbah bad ia ki kali kiba iaid na kitei ki jaka.