Ai dawai ei ka MYF ha Umphyrnai

Shillong, 28 Nailur:
Ka Meghalaya Youth Foundation (MYF) ha ryngkat ka jing ia treilang bad ka Jharna Foundation, Mission Nethralya, Seva Bharati (Meghalaya) bad ka Seng Samla Catholic Laitkor Parish, ki la pynlong ia ka jingsumar bad ai dawai ei ha ka shnong Umphyrnai, hynnin ka sngi. Ha ka jing sam dawai ei, la don lang da U Father Gabriel Jalong SDB, Assistant Parish Priest ka Laitkor, U Secretary Shnong ka Umphyrnai, nalor kiwei pat.
U Bah Joannes JTL Lamare, Chairman jong ka Meghalaya Youth Foundation, ka kong Patricia Kharkongor, Social Secretery ka MYF bad kiwei ki la don lang bad ka Dr. Valencia Surong, ka iathuh shaphang ka jingiaid shakhmat jong ka Mission Nethralaya ban iarap ia ki riew shem lanot, kiba donkam ia ka jing iohi.
Ki don 328ngut ki briew, kiba dei ruh ki samla pule, kiba wan shah sumar bad kitei ki dei na ki skul St. Theresa U.P. School, Umphyrnai; Umphyrnai Presbyterian Secondary School; Loreto Mary Ward School, Umphyrnai; RCLP School Lamlyer bad ka Lamlyer Presbyterian L.P. School, Lamlyer. Ki don na kitei ki nongpang, ki ban ioh ei ia ki iit khmat jongki bad ki ban shah sumar ei ruh ha ka Mission Nethralaya, kaba ha Fire Brigade, Shillong.