Khlad u nongkyrshan U Maieid

Nongstoin, 27 Nailur:
Shisnem thik, hadien ka jingkhlad noh u nongialam ba radbah ka Party HSPDP, u Maieid Hoping Stone Lyngdoh, mynta ka sngi, u bah Laitstar Syiem Nongshillong u ba dei u President jong ka unit HSPDP jong ka New Nongstoin, u la khlad noh ha ka sngi jong ka jingrakhe ia ka lyngkhuh sngi iap ba shi snem jong u Maieid.
U tei u rangbah u la khlad noh ha ka por 9 shiteng ei ei mynstep, hadien ba ka jingshitom kala ban ia u naduh ki snem ba la lah. U bah Lait u dei ruh u wei na ki dkhot committee jong ka Dorbar shnong New Nongstoin mynba u dang khlain.
Kat kum ka jingioh jingtip u Rupang na ki ba ha iing hasem jong u tei u rangbah la ong ba u la long u wei na ki nongkyrshan ba radbah jong ka seng HSPDP bad naduh ba katei ka seng ka la mih pyrthei u la don bynta lang ha katei ka seng.
Shuh shuh la ioh jingtip ruh naduh ba u maieid Hoping u dang thiah pang ha Hospital NEGRIMS mynshem snem, u tei u rangbah ruh u la don hapdeng ka jingthiah pang lang ha kawei na ki Hospital ha Shillong.