Lap metiap na Umsohlang

Shillong, 27 Nailur:
Ha ka miet lah sngi U Blei, ki nongkhwai ki la lap ia ka metiap jong kawei ka longkmie na wah Umsohlang kaba don ha Mawlai Kynton Massar. Katkum ki lad khubor la iathuh ba katei ka metiap ka dei ka metiap jong ka longkmie kaba 58 snem karta kaba la tip kyrteng kum ka kong Bebiana Jyrwa, la lap ia ka met jong ka ha ka por 9:30 baje eiei mynmiet.
La iathuh ba ka kong Jyrwa ka dei kaba shong basah ha Mawlai Datbaki (Pata) bad ka la jah na la ing naduh ka miet sngi saitjaiñ bad ia ka metiap jong ka la lap hadien ar sngi. Ki pulit ki la shim ia ka metiap jong ka ban leh post mortem bad haduh mynta ym pat tip ia ka daw ka jingiap katei ka longkmie.