Pynbna kyrtong ka KHNAM na Laban, knieh tiket ha Mairang bad Sohiong

Shillong, 26 Nailur:
Ka Khun Hyn niewtrep National Awakening Movement (KHNAM) mynta ka sngi ka la pynbna paidbah ia u kyrtong jong ha ka MDC elekshon shiteng samoi u ban ia khun na Laban konstitwensi ha ka elekshon ka ban long ha u nohprah mynta u snem. Ka KHNAM ka la pynbna ia u bah Bankhraw Sing Kharphuli kum u kyrtong jong ka hadien ba la wai ka jingialang CEC jong ka ba la long mynta ka sngi.
U Working president ka KHNAM u bah Adelbert Nongrum u la ong ba ka KHNAM kan sa pynbna noh shen ia ki kyrtong na ki ar tylli ki konstitwensi ka Mairang bad ka Sohiong namarba kumba long mynta ki don mar ar ngut ki nongiapan tiket na kitei ki konstitwensi. Ula ong ba ka KHNAM ka don jingmut ban pynieng kyrtong ha baroh 7 tylli ki konstitwensi ba thylli hynrei ia katei ka la aiti ha ki elekshon komiti ban leh ia kaba donkam.
U bah Nongrum u la ong ba ka KHNAM ka kwah ban jied bin pa bin ia kikyrtong jong ka namarba ka kwah da u briew uba don ka mynsiem ban ia leh na bynta ka jaitbynriew ym ban shu shim kabu ia ka party tang kum ka rynsan ia leh elekshon.