Soi paidbah ka BJP ha 9Lad ban pynrem shah siat ha Uri

Shillong, 25 Nailur:
Ban pynrem jur ia ka jingshah hiar thma ki shipai India ha ki lehnoh Pakistan ha Uri ha Jammu & Kashmir dang shen, kaba la shim haduh 18 ngut, ka BJP Meghalaya ha kane ka sngi Saitjain ka la pynlong ia ka jingiasoi paidbah ha Khyndai Lad ban pynpaw ia ka jingpyrshah bad pynrem jur ia kane ka jingleh riew khlaw.
Ha kane ka jingiasoi paidbah, la iashim bynta ruh ki pulit, ki CRP nalor ki riew paidbah bad ki dkhot ka BJP naduh u General Secretary Bah David Kharshati, ki dkot samla ka BJYM bad kiwei.
Nalor ka jingsoi paidbah, la pynlong ruh ia ka jingthang mombati ban kynmaw burom ia kine ki shipai ka ri ba la lenlada ha ki riew pyrshah ri.
Katkum ka jingong u Bah Nittin Khera u general secretary ka BJP Shillong City, ki don haduh 6500 ngut eiei ki briew ba iashim bynta ha kane ka jingiasoi paidbah.
Katba u Bah David Kharsati u General secretary ka BJP Meghalaya u la ong ba ki la leh ia kane ka jingthang mombati ka long ban pyrshah ia ki seng lehnoh, kiba ioh ia ka jingkyrshan na ki briew jong ka Ri bad kham bun eh dei na bar Ri.
Kane ka jingjia ha Uri ka dei na ka jingkyrshan jong ka Ri Pakistan, ka pyrthei mynta baroh kawei ka tip, kum ka party ka kwah ba baroh ki briew jong ka Ri India ka dei ban pynrem ia kine ki jingleh jong ka Pakistan namar ka jingduh ka long bay n nym lah shuh ban bujli lano lano ruh.