Shah kem ki suba nongkhaii Uranium

Shillong, 25 Nailur:
Ki pulit ka nongbah Shillong ki la kem ia ar ngut ki briew kiba la tip kyrteng kum ka Lalrintluangi (40 snem karta) bad ka Elizabeth Numami (41 snem karta ), kitei ki la shah kem halor ki kes kiba dei ha Champhai PS (Mizoram) namar ka jingdonkti jong ki ban khaii tuh ia u suba Yellow Cake, u mar Uranium uba don haduh 1.5 kilo. La khynra ia ka ingsah jong kitei kaba don ha Mawblei , da ki pulit ka Mizoram bad ki pulit ka Shillong bad ha katei ka jingkhynra la ioh kem sa uwei pat u briew uba la tip kyrteng kum u Ronald Phairembam (45 snem karta) uba la suba jur ba u dei u nongpyniaid iew ia utei u mar.