Bitar u myntri Mylliem, ba mynthi ki City Bus

Shillong, 23 Nailur:
U myntri ka Hima Mylliem, uba dei peit ia ka khuid ka suba jong ka Iewduh, mynta ka sngi u la leit ban jurip ia ka nala um kaba don ha iew mawlong kaba tuid na iewduh sha them motor.
U myntri K Warkynshah, u la ong ba kane ka jingsah kut ka um jaboh ka dei na ka jingker jar jong ka Shillong City Bus Syndicate (SCBS) ia ka nala kaba tuid sha ka nala kaba heh ban poi sha them motor.
Une u myntri u la ong ha ki nongthoh khubor ba u la juh ia kren ia kane ka kam na ka por sha ka por, hynrei ka SCBS kam shym la sngap.
Na ka liang jong ka hima mynta kan hap ban thoh biang sha kane ka ophis ban ai por shitaiew ba kan weng noh ia kane ka jar nar khnang ba ka um kan nym tuid sha surok.