Kyntait ki MLA liang pyrshah, ban ia synniang sha Uttarakhand

Shillong, 15 Naitung:
Ki MLA ka liang pyrshah jong ka Megha laya Legislative Assembly , ki la rai ban nym syn niang ei haduh shi bnai tulop sha ki lanot ka Uttarakhand kumba la kyrpad u Myntri Rangbah ka jylla u Dr Mukul Sangma.
Kham mynshwa,u Myntri Rangbah u la kyrpad ia baroh ki MLA ka jylla ba kin noh synniang kylluid mynsiem shi bnai tulop sha ki lanot ka Uttarkhand kiba iakynduh na ka jingleh ka mariang.
Haba kren bad katto katne ki MLA liang pyrshah ki la ong ba ki la iathuh ba kim lah ban leh ia kane ka jingkyrpad u Myntri Rangbah namar ba ka jingioh jongki ka long kaba rit bad lada ai lut shatei, kin sa kynduh jingeh namar ba ki jingdonkam sha ki constituency. “Ka tulop jong ngi ka long tang T. 20 hajar shi bnai bad lada ai shatei te la shem jingeh”, la ong uwei u MLA liangpyrshah.
La iathuh ruh ba ki MLA liangpyrshah kin pynher shithi sha u Myntri Rangbah ka jylla ban pyntip ia kane ka jingbym lah jongki ban noh synniang namar ki daw
U la ong ba nalor ki jingdonkam kiba bun ban shakri ia ki paidbah sha ki constituency hynrei ka jingioh ba la ai ka sorkar ka long kaba rit lait noh tang kito kiba don ha ka liang sorkar kiba kham ioh ban kdiah nangne nangtai.
Hynrei la ioh jingtip ba wat ki MLA ka liang synshar ruh kiba dei na ka seng Congress hi, ki don ki bym sngew tynnad ban noh synniang shi bnai tulop kumba la kyrpad u Myntri Rangbah ka jylla.
Ka jylla Meghalaya ka don 60 ngut ki MLA bad kham mynshwa u Myntri Rangbah u la pynbna ba u la noh synniang shi bnai tulop sha ki lanot kiba iakynduh ha ka jingjia jong ka bor ka mariang ha ha ka por ba ki leit iaid pilkrim sha katei ka jylla.
Lah ban kdew ba Sonia Gandhi ka la kyrpad ia baroh ki jylla ba synshar ka Congress bad ki MLA ka party ba kin noh synniang sha ki lanot.