3 baje thylli war ka ophis MeECL ha Pynursla

Shillong, 20 Nailur:
3 baje janmiet la thylli war ka ophis jong ka MeECL kaba don ha Pynrusla, ia kane la lap mynta ka sngi kaba dei ruh ka sngi iew Pynursla kaba bun ki paidbah na ki thaiñ ba don sharum ka Pynrusla ki ju wan ban pyndep ia ki kam ki jam jong ki. Katkum ka jinglap une u nongthohkhubor u la lap ba u SDO ruh um wan trei bad ha katei ka por 3 baje eiei ba la wan rung hapoh katei ka ophis la lap ba don tang ar ngut ki nongtrei uwei shynrang bad kawei pat ka kynthei, katba ki kamra ba shakhmat pat baroh ki thylli war.
Une u nongthohkhubor u la lap ruh ba katei ka ophis kam don jingthoh eiei ban pynithuh ba ka dei ka ophis MeECL , bad ym shym la iohi ban don kano kano ka jingthoh ne ka Sign board kaba ju wah kumba long kiwei pat ki ophis. Bun ki bym pat ju poi sha katei ka ophis ki artatien ban rung naba kim tip la ka dei ka ing shong briew ne ka ophis sorkar.