Ka ain khang bat ar kam, ka dang sah umdum, ong u Bah Bindo

Shillong, 19 Nailur:
U Senior Working President ka UDP u Bah Bindo M Lanong u la ong ba ka ain khang bat ar kam ka ‘Prevention of Disqualification (Members of the Legislative Assembly of Meghalaya) Amendment Bill, 2015’ ka dang sah ha umdum haduh mynta.
Haba kren mynta ka sngi sha ki nongthoh khubor, u Bah Bindo u la ong kane ka ain kam pat poi sha kaba kut. “Ka long ka bym pat kut, namar ba ka High Court ka la pynksan ia ka hukum jong u Lat ka jylla ia u Bah Pynshngain N Syiem”, la ong u Bah Bindo.
U la ong ba ia mynta, “Ngin hap ban ap haduh ban ioh ia ka hukum kaba kut halor kane ka kam”.
Kumba ka long mynta, kane ka ain ‘Prevention of Disqualification (Members of the Legislative Assembly of Meghalaya) Amendment Bill, 2015’ ka don hapdeng ka jingsah umdum hapdeng ki paidbah namar ba, na ka liang ka sorkar, ka la kam ba ka la treikam pura katba ha kawei ka liang, u Bah Pynshngain uba khlem risain haduh kine ki sngi, u la ioh ia ka rai pynskan na ka Kashari bad na ka ophis jong u Lat ka jylla.