U Kismol Nongrang, nongrwai ba donsap na Ri Bhoi

Shillong, 19 Nailur:
Ka Ri-Bhoi Future Dancers Association ka la poi sha ka bynta kaba kut ia ka Ri-Bhoi Got Talent, ha kaba iit ia ki riew don sap na ka thain Ri-Bhoi hapoh ka jingiatrei lang bad ka All Meghalaya Dancers Association kaba la long ha ka khat hynniew tarik mynta u bnai ha ka jingsakhi lang da ki hajar ki paidbah kaba la pynlong hapoh Umsning Indoor Studium, ha kaba U bah Donkupar Sumer MDC, ula long u kongsan.
U Bah Donkupar Sumer MDC jong ka Umsning Constituency, u la kular ruh ba un sa bhah ha ka bynta ka ban wan ban iarap lem ban pynmih ia ka jinglut jingsep katba lah ei bad u ban jur ba ka Sorkar ka dei ban phai khmat mardor sha ki khun samla kiba don ia ka sap.
Ha kane ka sngi ka la long ka sngi kaba shongshit bad shongkun da kaba pynphuh pynphieng na ki entertainment U Bah Wilter Kharkongor Michael Jackson Shillong, Jenis Khongsdier Icon Meghalaya Superstar, Prancious Ryndong participate North East Idol, Actress Shipor don hi Emi Nongbah,Actress Kynjah Emsalon, Diana Khyriem, Actress Phlim Sha Shisien bad kiwei kiwei de ki jing byrngia.
Ha kaba kut jong ka prokram la ioh ban sam ia ki khusnam sha ki Khatsaw ngut kiba la poi sha ka Final bad ia ka nam lahduh la sam da u kongsan U Bah Donkupar Sumer sha u Bah Kismol Nongrang uba na ka shnong Sumer Ri-Bhoi.
Ia ka nam ba ar bad ba lai la sam da ki Seng Bhalang ia u Samla Vishal Lyngdoh, napoh Nongpoh bad ka Samla Balari Lyngdoh, nongrwai napoh Nongpoh.