U khar Bangla ha Hotel, khlem tip pulit

Shillong, 18 Nailur:
Na ka por sha ka por ki pulit ki la pynbna ba baroh ki Hotel, ki Guest House,Clubs, Rest House bad kiwei pat ki jaka sah kiba don ha nongbah Shillong ki dei ban pyntip pulit da kaba pyndap ia ka Form C hapoh 24 kynta lada jia ba ki ai jaka sah ia uno uno u bar ri naduh ka por ba u wan rung ha ka jaka sah jong ki.
Hynrei ki pulit ki la lap ba ka Hotel Alpine Continental kaba don ha Thana Road , Police Bazar, Shillong ka la pynsah ia uwei u nong Bangladesh uba la tip kyrteng kum u Alexius Chichan uba sah ha katei ka Hotel ha ka 7 tarik mynta u bnai bad u la mih ha ka 8 tarik hynrei katei ka Hotel kam shym la ai jingtip sha ki pulit. La rejistar kes pyrshah ia katei ka Hotel.