Shah siat iap U Pastor khynnah

Shillong, 15 Naitung:
San ngut ki ehrang jong ka ANVC(B) hapoh ka jingialam jong uwei u Dikka, ki la leit khot na iing ia u Assistant Pastor jong ka Balang Baptist, uba kyrteng U Prewilson G Momin, ha ka shnong Ronggopgre, North Garo Hills district ha ka miet jong ka 13 tarik. Ki la ialam ia u sha kawei ka khlaw, hajan ka shnong Rari ha kaba ki la siat iap ia u.
Ia kane ka jingjia khlem pyntip satia sha ki pulit, hynrei kiba ha iing ki la pynkhuid sop sop ia ka metiap. Ki pulit ki ong ba kin sa leit sei biang ia ka metiap jong u.