T. 146 klur shah ram ki kontraktor ia ka PHE

Shillong, 16 Nailur:
U Myntri ka tnad PHE u Bah Prestone Tynsong u la ong ba ka tnad ka la shah ram haduh T. 146.33 klur ha ki kontraktor ha baroh kawei ka jylla haduh mynta.
Haba jubab ia ka jingkylli ba la wanrah da u Nongialam Liangpyr-shah u Dr Donkupar Roy hapoh ka iing dorbar mynta ka sngi, u Bah Tynsong u la ong ba kane ka ram sha ki kontraktor ka dei na ki 22 tylli ki division jong ka PHE ba don ha kylleng ka jylla.
Ki PHE Division ba shah ram ha ki kontraktor ki long ka Simsangggre T. 6.23 klur, Tura Division TT. 4.74 klur, Tura North Division T. 9.9 klur, Ampati Division T. 44.63 klur, Resubelpara T. 7.97 klur, Baghmara T. 59 lak, Nongpoh T. 7.19 klur, Umsning T. 5.18 klur, S&D Division T. 1.87 klur, Investigation Division, T.3.31 klur, Hills Division T. 5.24 klur, Sohra T. 2.27 klur, Electrical Division, Shillong. 57 lak, Electrical Division Mawphlang T. 3.45 klur, GSWS Division No.I Shillong T. 1.24klur, GSWS Division II,Mawphlang T. 2.5 klur, Electrical Division Jowai T. 42 lak, RWS Division Jowai T. 5.39 klur, Mairang Division T. 1.83 klur, Nongstoin Division T. 20.17 klur, Mawkyrwat Division T. 7.71klur, Superintendent Engineer, Tura Circle T. 3.18 lak.
U myntri u la ong ba kane ka bill kaba dei ban siew sha ki kontraktor ka long haduh u snem 2013 bad na ka liang ka sorkar kan ialeh shitom ban siew noh kloi katba lah.