Shillong,15 Naitung:
Bun ngut ki samla Khasi bad Jaintia ki la wan ban pyniasoh ia lade bad ka BJP mynta ka sngi ha kaba la ia donlang ruh ki National Executive Member jong ka BJYM (Youth Wing ), U Surjeet Singh Chouhan bad u nongpeit ia ka North East jong ka BJYM u Hayithung
Bill Lodha kiba la ai jingkren sha ki samla kiba la wan ban pyniasoh ia lade sha katei ka seng.
Kumba 50 ngut ki samla ki la wan ban pyniasoh ia lade sha katei ka seng ha kaba la ia donlang ruh u State President ka BJP u Bah KS Lyngdoh bad u State General Secretary, U Dipayan Chakraborty ha katei ka prokram.
Ha katei ka jingialang ka seng, ka la iathuh ba ka la sdang ia ka jingpynrung dkhot naduh ka 23 tarik mynta u bnai kaba long ruh ka sngi kha jong u Late Shri Chandra Shekhar Azad. Ka seng ka kyrmen skhem ba kine ki samla kin trei met bad mynsiem na ka bynta ka seng naduh u bnai Nailar u ban wan.
Phi don ban ong eiei?