Mynta yn kynwiaw ki kali pulit

Shillong, 14 Nailur:
Naduh lashia ka janmiet ki pulit pahara ka nongbah Shillong kin sdang ban kynwiaw da ka kali thymmai jong ki kaba ia syriem kum ka kali ki pulit NYPD ka Newyork. Katei ka dei ka kali kaba la tip kum ka High Way Patrok Vehicles, yn pyllait ia katei ka kali da u myntri rangbah ka jylla u Dr.Mukul Sangma ha ka por 4:30 baje janmiet na ophis heh duh ki pulit.
Haduh mynta ki don 13 tylli kitei ki kali , ka thong ba la buh ia kitei ki kali ka long ban peit ba ka iaid ka ieng ha surok kan long kaba shngaiñ ha kaba la pyndait lang ia ka tiar kaba lah ban tip ia ka jingher sted ka kali (Speed) bad la pyndait lang ruh ia ka Alcometer ban tip la u nongniah kali u la dih kyiad ne-em.