30 lak ton pynmih sying ka jylla hapoh san snem

Shillong, 13 Nailur:
Ka jylla Meghalaya ka pynmih sying 30 lak ton hapoh san snem kata naduh u snem 2010 haduh 2015, bad kane ka long katkum ka jingkhein ba la ai da ka sorkar jylla. Hynrei kaba sngew lyngngoh ka long ba ka sorkar kam ju don skhim ban ai jingiarap ia ki nongrep sying lait noh na ka skhim ka sorkar pdeng kata ruh kaba ai tang naduh u snem 2014 haduh 2016.
Katkum ka rekod na ka sorkar, na kane ka 30 lak ton, ka jylla kam pat lah ban shalan shabar ia u sying hynrei dei tang ha u snem 2014 bad 15 ba ka lah ban shalang tang 65metric ton ha u 2014 bad 2.5 metric ton ha u 2016.
Ka rekod ka sorkar ka la pyni ba ha u snem 2014, ka sorkar ka ai jingiarap da ki tiar ia ki nongrep sying T. 37.50 lak, ha u 2015T. 12 lak bad ha u snem 2016 tang T. 15 lak.
Na ki dak ki shin, ka pyni ba ka sorkar ka leh bein ia ki nongrep ha kaba ka jingai jingiarap kam long kaba biang bad ka long tang kum ka bai shun ban shu lape.