Shah kem 4 ngut ki thei die met bad u Dalal

Shillong, 11 Nailur:
Ha ka janmiet sngi saitjaiñ ka 10 tarik mynta u bnai ha ka por 4 baje eiei, ki pulit ka Special Cell ka East Khasi Hills ki la ioh kem 4 ngut ki thei die met bad uwei u Dalal (Agent) uba dei u nongpyniakut dor bad ki shynrang bad u sa pynpoi ia kitei ki kynthei sha ki shynrang kiba u la dep ia kut dor lypa. Ia kitei 5 ngut la ioh kem na ka jaka peitkai kaba ki khot ka Umiam View point kaba don ha Mawiong.
Kitei ki 4 ngut ki kynthei kiba la buhrieh kyrteng ki dei kiba dang don hapdeng ka 20 haduh 25 snem karta. Katba utei u nongpyniakut dor ia ki pat u dei uba la tip kyrteng kum u Dombelkut Nongrang,35 snem karta na ka shnong Mawlai Nongpdeng. La rah ia kitei ki briew sha Mawlai PS bad la kurup ia kali kamai kaba ki pyndonkam kaba don ia u nombar ML-05G 8048.