Byrngem ka HANM ba nang kyntur pud ka Assam

Shillong, 11 Nailur:
Ka Hynniewtrep Achik’National Movement (HANM)Central Body lyngba ka kyrwoh khubor na u President jong ka u bah Lamphrang Kharbani ka la dawa ba ka sorkar jylla ka dei ban pynbeit noh ia u pud u sam hapdeng ka Meghalaya bad ka Assam, namar ba ka jingpynslem ka komiti ba la khlieh da ki Chief Secretaries ka HANM ka la ong ba ka Assam ka la nang kyntur bad nang pyniar ia u pud u sam jong ka ha kane ka jylla.
Katei ka seng ka la rai ban leit ia kynduh ia ki bor sorkar ha ka taiew ba khadduh mynta u bnai ba kan pynsted noh ia ka kam ia pynbeit pud pynbeit sam.
Ka HANM ka la ong ba ka jingkyntur pud kam dei tang ha Langpih, Hima Nongspung, Khanduli, Block1,Block 2 hynrei mynta ka la thung mawpud ha shi linter ka Khanapara bad ka la kam ei ia ka jaka jong ka ka Meghalaya. Katei ka seng kala ong ba lada ka sorkar kam pyni noh da ki kam kan pyni noh da ki kam kiba tyngeh kumba la leh ha u snem 2012 ha Umthna Ri-Bhoi.
“Long katba long, jia katba jia , lada ngin shah kem shah siat ha ki pulit Assam ruh kam pher tangba ka khyndew ka shyiap jong ngi kam dei ban duh noh tang inshi ruh, lada ka sorkar ka leh kyllut ngi la khreh ban pynlong ki jing ia khih kiba jur na bynta ka dawbah dawsan jong ka jylla” pynkut ka kyrwoh khubor na u bah Lamphrang Kharbani, President Central Body.