Mynsaw ar ki GNLA ba iather bad ki pulit

Shillong,14Naitung: Ar ngut ki lehnoh GNLA ki la mynsaw hadien ka jingther kaba jur bad ki pulit mynta ka sngi ha South Garo hills. Kane ka jingiather markylliang hapdeng ka GNLA bad ki pulit ka la jia ha ka Shnong Agreng ha kaba ki pulit pahara ki la shah ther nyngkong ha ki dkhot ka GNLA kiba la rieh lypa ia lade. ” Kane ka jingiather ka la neh kumba shikynta eiei ha kaba la ngeit ba ar ngut ki dkhot jong ka GNLA ki la mynsaw” ong u Davies Marak u heh pulit jong katei ka District. Ki pulit ki dang pynlong ka jingiawad ban lap ia kitei kiba la mynsaw. Ha katei ka jaka ba la mih ka jingiakhun ki pulit ki la ioh ban kurup lai tylli ki AK Riffle bad ki kuli, .22,.32 bad ka 9mm, uwei u bom grenade nalor ki 4 tylli ki AK Riffle.