Plie ia ka khyrdop jong ka GHADC

Shillong, 8 Nailur:
Ka khyrdop jong ka ophis ka Garo Hills Autonomous District Council (GHADC), kaba la khang tala da ki nongtrei jong katei ka Council, la plie noh mynta ka sngi, ha ka jingdon jong ki bor pyniaid District lem bad ki dkhot jong ka Executive Committee jong ka Council.
Ha ka jingiakren jong U SP News Agency bad U Deputy Chief Executive Member jong ka Council, U Augustine Marak, u iathuh ba ki la sdang ia ki kam ki jam jong ka ophis jongki, naduh mynta ka sngi bad U Chief Executive Member lem bad ki dkhot jong ka Executive Committee bad u lamphang dorbar ruh, ki la ia poi lang sha ophis.
Ka Executive Committee, ka kyrpad ia ki nongtrei, ba kin sdang biang noh, ia la ki jong ki kam bad ka EC, ka pynthikna, ba kan siew noh ia ki tulop ba khyndai bnai jongki hapoh une u bnai hi uba mynta. La khmih lynti, ba ki nongtrei jong ka Council, kin ia poi lut noh baroh, ha ka Lah Sngi U Blei ban wan, wat la ki don kiba kyntait ban leit sdang trei, katba kim pat ioh shwa ia ka tulop, ong ka khubor.