Plie U Mukul ia ka Tamasa Phlim, ka St Teresa ha ka sngi kaba lai

Shillong 8 Nailur:
Ka Tamasa Phlim jong ka riew khuid St. Teresa ka International Film Festival (MTIFF) kaba la iaid lai sngi ha U Soso Tham Auditorium, Shillong la plie da u Myntri Rangbah ka jylla u Dr Mukul M Sangma mynta ka sngi.
Ia ka MTIFF la pyniaid da ka Archdiocese Shillong, Diocese Jowai bad Missionaries of Charity ryngkat ka jingiatreilang bad ka tnadInformation & Public Relations bad ka tnad Urban Affairs ka sorkar Meghalaya. Ka tamasa ka long kum ka jingpynbud hadien ba ka Mother Teresa ka la shah pynkyntang riew khuid ha ka 4 tarik Nailur 2016 ha nongbah Vatican,Italy bad ka jingrakhe ia ka jingioh riew khuid kaMother Teresa kaba pyni shaphang ka jingim bad ki jingtrei ka Mother Teresa ha kylleng ki bynta jongka pyrthei.
Haba kren ha kane ka sngi, u Dr Mukul u la pynpaw ia ka jingsngew sarong bad jingkmen ha ka kyrteng ka sorkar ban iadon bynta ha kane ka tamasa ha Shillong kaba dei ka nongbah kaba nyngkong ban ioh pynlong ia ka MTIFF hadien ba la pynkyntang riew khuid ia kaMother Teresa. U la ong ba ka jingpyni phlim ka long kaba donkam ban pynpoi ia ka khubor sha ki paidbah, ban ai mynsiem bad ban pynkhih ia ki. U la ong ba kum u riew shimet ka jinglah ban shakri ia ki paidbah ka dei namar ka jingieid, ka jinglong ka Mother Teresa ka la pyni shi katdei eh ia kane.
U Myntri Rangbah u la ai jingmut ban pynlong ia ka MTIFF man ka snem ha man ki jaka ka jylla bad ka sorkar lyngba ki tnad jongka kaba peit ia ki briew ba don jingduna kan lah ban leh ia kaba donkam ban ai jinghikai shuh kumno kin pyntbit ha kane ka kam shakri da kaba sngewthuh ia ka bor jong ka jingieid.
Kiba ai jingkren lem ha kane ki long u Fr Jacob, Missionaries of Charity (MC), ka Sr Grace Mary, Superior, MC, u Fr Joseph uDirector, Don Bosco Museum, Mawlai, u Gautam Lewis uba niew ia ka Mother kum ka kmie uba pang jem shying uba sah ha ka jaka ri kaMother Teresa, bad ban kylla long u nongniah liengsuin bad la ioh ruh ia ka jingkren na u Fr Stephen Francis, u Director ka MTIFF. La pyni ruh ia ka phlim lyngkot ka ‘Love Till It Hurts’ ba la shna da ka Pauline Productions.