Rakhe Sngi District Mawkyrwat

Mawkyrwat,14Naitung:
Ka South West Khasi Hills District ka la pynkhreh ban rakhe ia ka sngi kha jong ka District ha kaba u MLA jong ka Mawkyrwat u ba long ruh u Deputy Chief Minister uba dei peit ia ka soil and Water Conservation u Bah RowellLyngdoh ryngkat bad u MLA u M.M Danggo ki la leit ban ia kynduh ia ki bor pyniaid District ha ka sngi thohdieng ban saindur ia ki prokram ba ia dei bad ka sngi rakhe sngi kha ka District.
Kitei ki ar ngut ki nongmihkhmat jong ka SWKH ki la leit ban ia kynduh ia u Deputy Commissioner Bah A.Mawlong ha ryngkat ka jingiadonlang u Bah E.K Raswai MDC , ki bor pyniaid District ki la ia shong pyrkhat ban pynphuh pynphieng ia katei ka sngi ha ki rukom kiba itynnad. Hadien ba ki la iashong pyrkhat ki la la rai ban khot ia u Myntri Rangbah ka jylla u Dr.Mukul Sangma ban long u kongsan ha ka sngi rakhe ia ka sngi ioh District ka Mawkyrwat, ki Myntri Sorkar bad kiwei pat kiba kynthup naduh ki Syiem, Myntri bad ki nongialam niam.
Ha katei ka sngi la pynkhreh ruh shibun ki jingpynbyrngia kiba kynthup ia ki sur tem bad ki jingialehkai sport.