Yn khang ia ka Khyrdop Lawkyntang bad Iew Mawphlang

Shillong, 2 Nailur:
Namar ka jingkhlad ba kyndit jong u Lyngdoh ka Hima Mawphlang uba kyrteng u N. Kingkerious Lyngdoh, kumta ka Dorbar Bakhraw jong ka Hima Mawphlang mynta ka la rai ban khang ia ka Khyrdop ban rung sha Lawkyntang ha ka 3 bad 4 tarik Nailur, uba dei u Lyngdoh ha ka Hima Mawphlang bad kumjuh ruh ka Dorbar ka la rai ban khang ia ka iew Mawngap ha 4 tarik Nailur bad baroh ki dukan kin khang ha katei ka sngi kum ka dak ka jingburom ia u Lyngdoh.
Kumban shu pyn-kynmaw Bah N. King-kerious Lyngdoh, i ba long U Lyngdoh jong ka Hima Mawphlang, Maw-phlang Lyngdohship iba sah ha Dongiewrim Mawphlang, i la khlad noh na kane ka pyrthei ha ka 1 tarik mynta u bnai bad ka jingleit on tep ia ki kan long ha ka 4 tarik mynta u bnai ha ka por 2 baje nohphai sngi ha u Lum jingtep jong ka Balang Presbyterian Mawphlang.