Wat leh donbor ia ki jaka paidbah, maham u Dr Don ia ka sorkar

Shillong, 11 Naitung:
U Myntri Rangbah barim uba long mynta u nongialam liangpyrshah u Dr. Donkupar Roy ha kane ka sngi Palei u la maham ia ka sorkar ba la ialam da ka Congress ha kane ka jylla ba kam lah ban shu leh donbor ia ka jaka jong ki paidbah tang namar ba ka la kwah eh ban thaw ia ka Sor Shillong kaba thymmai.
Haba kren hynne sha ki nongthoh khubor, u Dr Don uba long u president ka United Democratic Party (UDP) u la ong “ngi sngewthuh ba ka sorkar ka donkam ia ka jaka ban thaw ia ka sor thymmai hynrei kam dei ban shu leh donbor ia ki paidbah tang ban ioh ia ka jaka”.
U Dr Don u la ong ba shwa ba ka sorkar kan shim jaka, ka bha ba kan iasyllok ba kan iakren bad ki paidbah ban poi sha ka jingiasngewthuh jingmut. “ka sorkar ka dei ban shim ia ka jingmynjur jong ka sorkar, ki riew rangbah, ki Hima ba shwa ba kan leh ia kano kano ka kam. U sngew ba ka sorkar ka dei ban sngap ia ka sur jong ki paidbah.
Ka jingthmu shim jaka ka soekar ban thaw ia ka sor thymmai ka la wanrah ia ka jingkynrum kynram namar ba ki paidbah katei ka thain ki la pyrshah halor ka nongrim ba ka la shu leh da ka bor ban shim ia ka jaka jongki.
Wat ki seng bhalang ki la kob ia ka Kong Ampareen ban iatainia ban iashai da kano ka rukom ba ka sorkar ka la iaid ban shim ia katei ka jaka ban thaw ia ka sor thymmai.
Ki sengbhalang kum ka KSU, FKJGP, CSWO bad ka KWAADA ki la kop ia ka Kong Ampareen lem bad ki ophisar jongka ban iashai halor ka rukom thmu jong ka sorkar ban shim jaka ha ka thain Mawpdang.