Rakhe Thomas Jones, synniang ka APSTA T.15 hajar sha ka KJCF

Shillong,11 Naitung:
Ka All Primary Teacher Association lyngba ki 41 ngut ki dkhot ka TJMCC hapoh ka jingialam u General Secretary Bah F.C Shullai ha ka 6 tarik mynta u bnai ka la hiar sha Kolkata ban leit ia kynduh ia ki Khasi Jaintia kiba don ha katei ka jaka ha Bishop College, ha kaba ka noh synniang ruh T.15 hajar tyngka sha ka khasi Jaintia Christian Fellowship, Kolkata.
Ka APSTA ka la leit sha Kolkata ban leit jngoh ia ka jaka ba la tep ia u Thomas Jone I u Missionary uba la tip kum u kpa ka thoh bad pule Khasi bad kumjuh ruh kum ka jingrakhe ia ka jingdap 171 snem ka jingsdang jong ki skul Primary ha kane ka jylla jong ngi. Ka seng ki nonghikai skul ka la leit ban bh syntiew ha Scotish Burial Karaya Road, Park Street Cemetry Kolkata ka jaka ba la tep ia u Thomas Jone bad ka la pynlong ruh ki jingduwai ba kyrpang ha katei ka jaka.
Ka seng lyngba kane ka kyrwoh ka la ai khublei ruh ia I Bah H.M Shangpliang bad ki nongtrei jong ka Meghalaya House kiba la iarap ban ai jaka sah kaba biang ia baroh ki dkhot kiba la ia leit lang, ka la ai khublei ruh ia ki dkhot jong ka KJCF, Kolkata. Katei ka seng ki nonghikai ha une u bnai ba la dep ka la noh synniang ruh sha ka jaka Ri khunswet ka Girls Home kaba don ha Jaiaw.
Ki dkhot ka APSTA kiba ia shon durlang ha u mot jingtep jong u Thomas Jone I