Kynshlein U Professor NEHU, ia khih ki samla NEHU

Shillong, 31 Nailar:
Ki samla pule ka skulbah NEHU hapoh ka lama jong ka North Eastern Hills University Students’ Union (NEHUSU) ki la leit ban tur sha ophis jong u Vice Chanchellor, katei ka skulbah ban dawa na u ba u dei ban weng kam noh shisyndon hapoh ar sngi ia u Prof. F.A Qadri, namar ba u leh kynshleiñ ia kawei ka samla pule kaba hap hapoh ka jinghikai jong u.
Katkum ka jingiathuh kitei ki samla pule ki la ong ba ha ka 26 tarik mynta u bnai utei u Professor u la leh kynshleiñ ia kawei ka samla na ka tnad History, kitei ki samla ki la rah ryngkat bad ka pla kad kaba thoh pynrem ia u tei u professor ryngkat ki jingdawa ban sloit noh na ka kam jong u.
U Tyrchain Lypon, President ka NEHUSU, u la ong bala ujor pyrshah ia ka jingleh jong utei u nonghikai ia ka samla pule hynrei kumba long mynta katei ka seng kan ap ia katei ka ar sngi namarba ka ijngtohkit ia katei ka jingjia ka dang iaid shakhmat.Katei ka seng ka la ai jingthoh ruh sha u VC katei ka skulbah da ka ingdaw aban weng kam ia utei u nonghikai,bad na ka liang jong u VC lyngba u Prof.Manmohan Singh u la kyrpad ia ki samla pule ba kin ap ia ka kaiphod tohkit.