Bteng ka khaii dewiong be-ain ha Jaintia Hills

Jowai, 31 Nailar:
Ka jingkhaii be-ain lane khaii tuh ia u dewiong na Jaintia Hills sha Assam ka dang iai bteng haduh kine ki sngi wat hapdeng ka hukum ka National Green Tribunal kaba la khynjoh palat 2 snem tam mynta.
Mynta ka sngi, ki pulit ka WJH ki la ioh bad kurup ia ar tylli ki trok kiba kit dewiong ban shalan be-ain sha Assam pyrshah ia ka hukum jong ka NGT. Kitei ki trei kiba don ia ki No. ML11-1552 ba la niah da u Wandahun Lyngdoh na Sohkymphor, Pohskur  bad ka trok NL01 – L-6657 ba la niah da u Cibernadus Lytep na ka shnong Rtiang.
U Trai dewiong bad u trai trok udei u juh u briew uba la tip kyrten kum u Koneos Lyngdoh uba dei na ka shnong Sohkymphor Pohskur,
Na ka liang u SP ka WJH, u R Muthu u la ong ba ia u trai dewion bad trai trok bad kumjuh ruh ia ki driver la pynngat ia ki hapoh ki kyndon bapher bapher jong ka ain.