Pyrshah dawai pynkhlain shongkha ka KHNAM

Shillong, 31 Nailar:
Ka kynhun jong ki samla ka KHNAM, ka la ujor sha ka tnat pathai khubor ka sorkar Jylla, ba ki don ki kotkhubor, kiba pynmih ia ki dawai kiba pynkhlain ha ka kam shongkha shongman bad la ong ba kitei ki jait dawai, ki ialam bakla shibun eh ia ki samla bad la ong ruh, ba kum kitei ki jait dawai, ym dei satia ban pyni paidbah, namar ba ki ktah ha ki bun rukom. La pyni ruh ba kum kitei ki jingpynbna, ki long pyrshah ia ka ain “Prohibition of Indecent representation of Women and Children Act, 2008” ba la mynjur da ka sorkar India. La dawa namarkata, ba kum kitei ki jingpynbna, dei ban sangeh noh shisyndon, ong ka kyrwoh na U bah Thomas Passah, President, KHNAM State Youth Wing.