Khwai ia ka met, uba shah rong um

Shillong, 30 Nailar:
Uwei u samla na ka shong Mawlai Datbaki u la shah rong ha ka umsaw mynhynin ka sngi ha ka wah kaba don hajan ka NEHU kaba la ju tip kum ka Wah Thum thum. Utei u samla u dei uba ju tip kyrteng kum u Banman-bha Nongkhlaw uba ki ju khot ieid u Andy, 26 snem karta. Katei ka jingjia ka la jia mynhynnin ka sngi ha ka por 2 baje eiei katba utei u samla u dang pyrshang ban kam na shiliang sha shiliang ka wah hynrei ka um kaba khlain bor ka la wan kynsan bad ka la rong ia u.
La ioh khwai ia ka metiap jong u mynta ka sngi na lyndet ka Polytechnic , Kynton Massar. Utei u samla u la iehnoh shadien ia ar ngut ki para kynthei bad shynrang jong u. U shong u sah ryngkat lang bad u paieit jong u namarba ka kmie jong u ka khlad noh naduh u snem 2002.