Ujor ha Supreme Court, ia 2ngut ki nongbishar barim

Shillong, 29 Nailar:
U bah Sajay Laloo, ula ujor ha Supreme Court mynta ka sngi, halor ka hukum jong Chief Justice barim, U Uma Nath Singh, uba la shongthait ha U Kyllalyngkot 2016 ha ryngkat bad U TNK Singh, uba la shongthait ha ka 1tarik Rymphang 2016, ha kaba ki la bthah ia ka sorkar Jylla, ba kan ai jingiada kaba biang ia ki, ha ka kyrdan Z category, wat ynda haba ka la dei ka por shongthait jongki ruh.
Kitei ki nongbi-shar, ki la bthah ruh, ba dei ban leh kumba leh ka sorkar Sikkim bad ban ai ka jaka shong jaka sah kaba biang ia ki bad ki da byrngem ruh ia ki ophisar ba kin tiar bishar, ba ki leh pyrshah kashari, lada jia ba kim pynmih hukum halor katei ka jingkwah jongki.
La shimti ban bishar ia katei ka kam mynta ka sngi, da u nongbishar ba rangbah, U Chandrachud bad u nongbishar Khanwilkar. La pynmih hukum ia ka sorkar India bad la bthah ruh ia ka sorkar Jylla, ba kan wad ia ki jingshisha, la ka don ne em kano kano ka jingma ia kitei ki nongbishar ha kine ki sngi.
La buh sngi ban bishar biang ha ka 5tarik Nailur 2016 bad ka Supreme Court, ka sngew lyngngoh, ba kumno ka sorkar Jylla, ka shu sngap man man halor katei ka rai jong kitei ki nongbishar. La bthah ruh ia ka sorkar Jylla, ba kan batai ia ka jingmut jongka, halor katei ka phang, ha kawei pat ka sien shong bishar. La mihkhmat ia U bah Sajay Laloo, da u riewsaid ba rangbah, U Vjay Hansaaria, ha ryngkat U Amit Kumar. U Hansaraia, u ong ba katei katei ka jingleh, ka long kaba pyrshah ba kan mushlia ia ka kam jong ka sorkar, katba kum ka artikel 226 jong ka riti synshar jong ka Ri India.