Tynrah ka Tanker ia 3 tylli ki kali rit

Jowai, 28 Nailur:
Kawei ka trok kit umphniang kaba la kynnoh ba la niah khlem akor da u driver jong ka, ka la tynrah ia ki ar tylli ki kali rit kynthup ia ka maruti car 800 kaba don ia u No. ML04B-2820 bad kawei pat ka Maruti swift kaba don ia u No. Ml05M-8057 bad kawei pat ka kali kaba don ia u No. ML05C-7862.
Ka khubor pulit ka ong ba katei ka trok kit umphniang kaba don ia u No. AS18C ka la tynrah ia kitei ki lai tylli ki kali kiba pynieng harud surok bah NH-44 ha Ialong. Katei ka trok ka la tynrah markhmat ia kitei ki kali. U driver jong katei ka trok u la phet noh hi mar mar syndep tynrah ia kitei ki kali. Katei ka la jia ha ka miet sngi Thohdieng bad la ujor sha ki pulit hynnin ka sngi Saitjain.