PWD sha u Danggo, Urban Affairs Bah Ronie, Home Bah HDR

Shillong, 26 Nailar:
U Myntri Rangbah ka jylla u Dr Mukul Sangma u la bate kam thymmai ia ki myntri sorkar ha ka sorkar MUA-II. Ha kane ka jingbate kam, ka tnad PWD (Road) ka leit sha u Martin M Danggo uba dang bam smai mynta ka sngi katba ka tnad Urban Affairs ka leit sha u Bah Ronie V Lyngdoh uba dang shimti ia ka kam myntri ha ka sien ba nyngkong.
U Danggo un peit ruh ia ka tnad Parliamentary Affairs, Stamp and Registration katba u Bah Ronnie un peit ruh ia ka Municipal, ka Soil and Water Conservation, bad ka Arts and Culture.
Katba ka tnad Home(police) ka leit sha u Bah HDR Lyngdoh kumba la mutdur da baroh uban peit ruh ia ka tnad Transport, GAD, Animal Husbandary hynrei u duh noh ia ka tnad District Council Affairs kaba la leit noh sha u Bah Prestone Tynsong.
Ka tnad PHE kaba bat da u Dr RC Laloo ka leit noh sha u Bah Tynsong uban peit ruh ia ka Border Area katba ka tnad C &RD ka leit noh sha u Bah Sniawbhalang Dhar uban peit ruh ia ka power.
Ka Deborah Marak ka la ioh ia ka School Education Literacy nalor ka Home Guard & Civil defence.
U Zenith M Sangma u la ioh ia kijuh ki tnad kata ka Sports, Housing, bad Taxation. Ka Kong Roshan kaba bat ia ka tnad kam pohiing kala duh noh bad ka la ioh ia ka tnad ka Koit ka Khiah, nalor ka Higher and Technical Education, Law, bad Cooperation.
U Clement Marak ula duh ia ka power bad u la ioh ia ka Forest and Environment, Weaving, Social Welfare.
Ka Kong Ampareen Lyngdoh ka ioh ia ka PWD (Building), Information and Technology, Public Relation bad ka Labour.
U Dr RC Laloo u la ioh ia ka tnad Food and Civil Supplies, election, ka Home Passport, Revenue and Disaster management, Science and Technology, bad Reorganisation. U la duh noh ia ka PHE.