Nongkitkam KSU Mawlai

Shillong, 26 Nailar:
Mynta ka sngi ka KSU Mawlai Circle ka la pynlong ia ka elekshon jied nongkitkam thymmai kaba la long ha Community Hall, Mawlai Phud-muri naduh ka por myn-step haduh ban da dep ban niew ia ki Vote ha ka por janmiet. Ha katei ka elekshon ym shym la don ba thep kyrteng ia ka kam President lait noh u President ba bat mynta u samla Biangbor Paliar bad namar bym don ba ia khun pyrshah u samla Paliar un dang iai bteng ia ka kam President ha ki samoi treikam thymmai mynta.
Kumjuh ruh ia ka kam General Secretary kaba la bat da u samla Rapbor Nongrum ym shym la don ba thep kyrteng bad namar bym don nongiakhun pyrshah u samla Nongrum un dang iai bteng kum u General Secretary na bynta ki samoi treikam thymmai, ka kam Organising Secretary ka dei ka kam kaba ym don nongiakhun pyrshah. Ia baroh ki nongkitkam thymmai jong ka KSU Mawlai Circle kynthup kiba la shah jied ha ka elekshon la pynskhem mynta ka sngi da ki nongialam ka Central body ba kynthup ia u samla Lambok Marngar, samla Bansharai.