Ba rem dor ka Income Certificate, ia kynduh ka JSU ia ki Muktiar

Jowai, 25 Nailur:
Ka Jaintia Students’ Union (JSU) sengkmie, hadien bala ioh ia ki jingujor naki samla Pule bad kumjuh naki kmie ki kpa jongki halor ka jingshim rem dor ki riewsait ain ha ka ban pynshisha iaka jingioh kamai jongki kmie ki kpa jongki samla pule (Declaration of Parent/ guardian Income) mynta ka sngi ka Union ka la ia kynduh u President ka JHBA u Ma C. Kyndiah ha kaba la ioh ban pynsngew ha u ia kine ki jingeh kiba la tyngkhuh daki samla pule kumjuh da ki kmie ki kpa jongki.
Ha kane ka jingia kynduh, na ka liang u President ka JHBA u la pynshai ba ia kane la rai  lyngba ka Association bad ka dor bala buh ka long ba ym dei satia ban palat iaka Rs.500/- (San spah) na ka bynta ki kmie ki kpa kiba don ki khun kiba la pule haka kyrdan Degree (graduate ), bad ymdei ban palat iaka 300/- (Laispah) na ka pynta ki kmie ki kpa kiba don ki khun kiba pule ha ka XI bad XII.
Shuh shuh na ka liang une u nongialam ka ka Association, u la pynshai ba ki riew Said ain ki lah ban shim duna ruh iaka dor,  hynrei ym ban shim pat palat ia ka dor ba la buh. Bad lada don kiba shimtam ki kmie ki kpa lane ki samla pule ki lah ban pyntip sha ka Association.
Halor ka jingkyrpad daka JSU ha khmat ka JHBA kata  ban pynhiar shuh shuh iaka dor kumjuh ban shim iaka juh ka dor ia baroh ki kmie ki kpa jongki samla pule haki kyrdan bapher bapher, na ka liang u ne u nongialam u la ong ba kin sa ia shong pyrkhat kum ka Association namar maki ruh ki sngewthuh ia kine ki jingeh jongki kmie ki kpa khamtam kito kiba don ar lane lain gut ki khun kiba dang pule.
Ka JSU ka kyrmen ba ka JHBA, kam sngap ia kane ka jingeh bad ka jingud jingnam jong ki kmie ki kpa kumjuh ki samla pule jongka thain naka bynta ka lawei ba phyrnai ka jongngi baroh lang.
Ha kajuh ka por ka JSU lyngba kane ka jingpyllait khubor mynta ka sngi, ka pynpaw iaka jingsngewkhia halor ka jingia kynduh jingeh jong ki ba bun ki samla pule ha kaban Applai iaka Scholarship ka jongki khamtam ia kito kiba kiba applai iaka Renewal Scholarship namar ka jingbymlah ban pynrung (lock In). kumta ha kaba ia dei bad kane ka bynta ka JSU ka dawa naka sorkar kumjuh naka tnad Ka pule puthi ba ka dei ban kitkhlieh halor kane khnang ba ki samla pule kin ym ia kynduh ia kane ka jingeh.