Shah kem u samla ba ialam mynder

Shillong,10 Naitung:
Ki shipai BSF kiba don ha Umsyiem ki la ioh ban kem ia ki arngut ki shikmie shikhun, ka kmie kaba la tip kyrteng kum ka Rina Devi, 50 snem bad ka khun pat jong ka pat kaba la tip kyrteng kum ka Loywin kaba dang 14 snem karta. Iakitei ki shikmie shi khun kiba dei na ka Ri Bangladesh la ioh ban kem ia ki hadien ba ki la ioh ban rung tuh hapoh u pud u sam jong ka India.Kitei baroh ar ngut ki dei na ka shnong Molvibazar jong ka Kamalganj District.
Namar ka jingioh jong kitei ki ar ngut ban rungtuh hapoh u pud ka India ki shipai BSF ki la ioh ruh ban kem ia uwei u samla Khasi uba la wan ialam ia ki. Utei u samla Khasi u dei uba la tip kyrteng kum u Denis Thabah na ka shnong Kongwang.
Ha kawei pat ka jingjia ki BSF ryngkat ka jingiatreilang bad ki pulit ka South West Kasi hills ki la ioh ban kem I uwei u khar Bangladesh katba u dang pyrshang ban phet na India sha Bangla bad na utei u khar Bang la ioh ban kurup haduh 80 litar ka kyiad phareng.