Rakhe Raksha Bandhan, pyntian kek ki BJP kynthei ia ki shipai khappud

Shillong, 19 Nailar:
Ban rakhe ia ka Raksha Bandhan ki kyn-thei ka party BJP hynne ka sngi ki la leit ban kynduh ia ki shipai khappud (BSF) ha Dawki bad Ranikor BOP. Ka BJP ka la bthah ia ki nongialam jongka naduh ki myntri kynthei, MP, bad ki nong-ialam jong ka BJP Mohila Morcha ba kin leit jngoh ia ki khappud ka ri ban iakynduh ia kine ki shipai da kaba teh ne pyndeng ia u rakhi ia ki. Ia kane ka jingleh la bthah da u Myntri Rangbahduh ka ri u Narendra Modij.
Ha Meghalaya, ki nongialam kynthei ka BJP ki la leit jngoh ia ki shipai khappud ha Dawki bad ha Ranikor ha kaba ki la pyntian kpu (kek) ia ki shipai kum ka dak ban rakhe ia kane ka sngi.
Haba ki longkmie ki teh da u rakhi ha ki kti jong ki shipai ka la don ka jingkyndeh mynsiem bad kmen ia ki shipai khappud. Ki shipa BSF ki la sngewnguh ia ki longkmie na ka bynta kane ka jingleh jongki ban shah pyndeng rakhe ha kti jong ki da ki para kynthei jongki.
Kum ia kane, la leh ha baroh kawei ka bynta khappud jong ka India hynne ka sngi.
Ka Raksha Bandhan ka dei ka jingleh niam bad jingduwai shwa ban teh ia u rakhi. Ka ktien Raksha Bandhan ha ka Sanskrit ka mut “ka jingteh jong ka jingiada”.
Kane ka jingleh ka BJP ka long shi bynta ban ai mynsiem ia ki shipai khappud kiba la phikir ia u pud u sam ka ri na ki nongshun baroh ar phew saw kynta khlem thait.