Iap u engineer, ba khyllem ka jingkieng

Shillong, 9 Naitung:
Saw ngut ki briew ki la mynsaw jur hadien ba kawei ka jingkieng kaba dang don hapdeng ka jingpyntrei ka la khyllem noh hadien ba ki rijied jong ka ki la khyllem noh. Kane ka jingkieng ka dei kaba don ha Kolmesal Nengsangre kaba hap hapoh ka Samanda Block, East Garo Hills. Kham bun na kiba mynsaw ki dei kito ki nongtrei kiba dang trei ia katei ka jingkieng. La pynkit noh ia ki saw ngut kiba la mynsaw jur kiba la tip kyrteng kum ka Balina Sangma 15 snem karta, u Sanjit Hajong 22, u Dominic Sangma 40 bad u Brahma 45 sha William Nagar Civil hospital da ka 108 Emergency Service Ambulance kaba don ha Williamnagar . U Nongtrei u ba dei u Junior engineer jong ka PWD u ba dei peit ia katei ka jingtrei u ba kyrteng u Nemingson Marak u la iap hashen. Katei ka jingjia ka la jia ha ka 9 tarik u Naitung ha ka por 11:42 baje mynstep.