Hikai rep sohniamtra, ha ri lum Khasi Jaintia

Jowai, 12 Naiwieng:
Na ka bynta ban kyntiew ia ka ioh ka kot ki nongrep ha ka jylla, ka Indian Council Agriculture Research (ICAR) ka la pynlong ia ka Training kaba lai sngi ia ki nongrep halor kumno ban rep ia u Khasi Mandarin lane u Sohniamtra uba rep ha ri lum Khasi Jaintia.
Kane ka prokram ai jinghikai ka la kut mynta ka sngi Thohdieng bad la pynlong ia kane ka program da ka tnad Horticulture ha ICAR Complex, NEH Region, Umiam ha kaba ki nongai jinghikai ki kynthup ia ki Scientist jong katei ka jaka pule kynthup ia u Dr. H. Rymbai, Dr. A.R. Roy, N.A. Deshmukh, Pankaj Baiswar, D.M. Firake, S.R. Assumi bad u A.K. Jha.
Ki 10 ngut ki nongrep kiba la jied kyrpang na ka shnong NOngtrai East Khasi ki la wan ban iashim bynta ha katei ka prokram ai jinghikai.
Kitei ki 10 ngut kin sa rah ia ki jingtip jingshemphang kiba ki la ioh sha ki para nongshong shnong jong ki na ka bynta ban iarap ban kyntiew lem ia ka ioh ka kot ki para nongrep.