Rakhe sngi laitluid shaduh sha ki Block

Shillong, 12 Nailar:
U Principal Secre-tery jong ka sorkar Meghalaya, uba dei peit ia ka tnat General Administration Department, u pyntip ba ka sorkar Jylla, ka la rai ban pynlong ia ka jingrakhe sngi laitluid, kaba khraw shibun ha kane ka snem, ka ban poi shaduh sha ki Block ruh kumjuh. Katei ka jingmut, ka long ba ka jingrakhe ia katei ka sngi kaba khraw, ka dei ka hok nongkynti jong ki paidbah.
La khot sngewbha ia ki seng bapher, naduh ki seng sain pyrthei, ki seng samla pule, ki khlieh nongsynshar, ki nongrwai nongsiaw, ba kin ia don bynta lang ha katei ka sngi kaba khraw, ha kaba ki MLA jong kato ka thain, kin long ki dkhot jong ka Organizing Committee. La pyllait pahuh ia ka pisa sha ki District bad ki Block ruh kumjuh, ba kin pyniar ia ka jingpynbna paidbah, lyngba ki kotkhubor.
La bthah ia ki Deputy Commissioner/ ki Sub Divisional Officer ba kin bthah ia ki BDO, ba kin pynlong ia ka jingrakhe sngi laitluid, kaba jop jong u snem 2016.