Kulmar Aadhar, ka KNGCSU

Jowai, 12 Naiwieng:
Sngew khia ka KNG CSU ia ka jingleh donbor u General Secretary Secretary ka Union bad ki jingleh ba marwei jong u Secretary ka union bad ki jingleh ba marwei jong u.
“Kat kum ka khubor ba la phah da u General Secretary ka Union u samla Paul Lyngdoh ha ka 10 mynta u bnai halor ka jingpyrshah ia ka jing-donkam u Adhar No. Ngi pynpaw ia ka jingsngew-sih halor kane bad ngi kum ki Samla pule ka Kiang Nangbah Govt. College ngi dei ban pdiang ia ki policy ba la ai da ka sorkar bad ruh ban pdiang ia ka jingdonkam u Adhar No. na ka bynta ban ialeh ia ka bai bam (scholarship) namar ngi dei ka College jong ka sorkar”, la ong u kyrwoh na u Cultural Secretary, u samla  Neal Jordan Rymbai
Lyngba utei u kyrwoh la pynpaw ruh ia ka jingpyrshah halor ka jinglehstad leh donbor utei u Secretary ka Union namar katei ka jingleh jong u ka long ka rai shimet jong u hi khlem da ia kren ha kano kano ka jingialang ne meeting jong ka Union.
“Ngi kum ka Union ngi dei ban iatrei lang bad ban wanrah ia ki jingdonkam jong ka College bad ngim kwah ba kum kine ki briew kin pynthoh bria ia ka kyrteng ka College khlem da ka jingiamir jingmut bad ki samla pule baroh, ngi dei ban sngewthuh ia ka jingdon kam u Adhar No. bad ngim dei ban ialam bakla ia ki samla pule, ngi ngeit skhem ba ka sorkar kan ai por biang ban (prospone) ia ki samla ban ialeh ia ka bai bam bad ngin ngeit ruh ia ka sorkar ba kan wad lynti ban pynioh Adhar No. ia ki samla pule baroh.
Ka Union kam dei ka kam jong marwei hynrei ka kam jong baroh ki student Union bad ym dei ban shim bor ne leh bor tang da uwei u member pynkut ka kyrwoh khubor ba la phah da u Cultural Secretary Union u samla.