Thungdieng ka KCSSS hajan Mawsynram

Shillong,12 Nailar:
Ka Khasi Cultural & Social Service Society (KCSSS) ka la pynkut ia ka prokram thung diengkaba la sdang naduh ka 1 tarik mynta u bnai bad kut mynta ka sngi ha ka 12 tarik u Nailar. Ha katei ka prokram la thungdieng ha Ngailang kaba dei jong ka Kur Marbaniang ka ba jngai kumba 6 KM harum na ka Shnong Mawsynram. Ha kane ka sngi la wan ban iashim bynta da ki khynnah skul napoh ka JNV Mawsynram ryngkat bad ka J.J.M. Nichols Roy Secondary School.
Ha katei ka prokram la thung shiphew hajar tylli ki tynrai dieng ha katei ka jaka bad la thun gia ki jait dieng kiba im ha katei ka jait jaka lyngba ka jingiatreilang bad ka MBDA (IBDLP), Shillong. Ka jingthmu ba kongsan jong ka seng kalong kum shi bynta ban wanrah ki lad ki lynti kumno ban iada ia ki jaka ki puta kiba dang peit dang jngoh lyngba ka longkur ka longjaid bad ka bynta ka kaba kham kongsan shuh shuh ka long kumno ban iada ia ka mariang na ki jingpynjot kiba bun jait kiba lah ban ktah wat iaka koit ka khiah ha ka long briew man briew kum ha ka jingpom dieng pathar, ka jingsaiñ ding ia ki lum ki madan bad kiwei kiwei.