Ker kper ki nong Gilagora, da ki nar um jong ka PHE

Shillong, 11Nailar:
Ka tnad sam um jong ka Mawkyrwat Division ka la ujor sha ki pulit ka Borsora ba ki nar um jong ka tnad PHE kiba ring um dih ha ka shnong Chimasora, ki la jah rngai. La ujor sha ki pulit da u Sub-Divisional Officer jong katei ka tnad u bah Batkupar Synrem. Ia katei ka jing ujor, la ai ha ka 27 tarik u naitung hynrei haduh mynta katei ka tnad kam pat ioh jubab na ki pulit. La phah ia ki pulit ban tohkit halor ka jingkynnoh, na ki briew jong katei ka shnong kiba la ong ba ki lap ba ha ka shnong Gilagora la ker dieng kper da ki nar um kiba la dep ban ot lyngkhot (SP News agency).