Kyrshan ka Nongtalang Mission, ia ka jingkhang tih mawshun

Jowai, 8 Naitung:
Ka Dorbar jong ka shnong Nongtalang Mission kaba la long haka 22 tarik jong une u bnai bala lah kala rai da kawei ka jingmut ban kyrshan iaka jingdawa jong ka Banan Locality Nongtalang ban khang syndon iaka jingtih mawshun ha kane ka shnong kaba pynjulor iaka mariang bad kaba la ktah ruh iaka umbam umdih jong ka shnong.
Ha u kyrwoh uba la phah da u Rangbah Shnong ma P.M. Tariang bad u Secretary ma B.W. Jungai, ka shnong kala pynpaw ruh iaka jing sngew nguh ia U Deputy Commissioner jong ka West Jaintia Hills u ma P.S. Dkhar uba la shimkhia iaka jingud jingnam jong ki paidbah bad la wan da lade ban iohi dala ki jong ki khmat iaka jingjulor. Ka shnong kala iaroh ruh iaka jingstad bad ka jingshem phang jong u DC uba khang syndon iaka jingtihmawshun hakane ka thain da kaba pynjhari da ka kyndon 144 CrPC jong ka sorkar. Naka liang jong ka Dorbar Shnong kala ai khublei ruh iaki sengbhalang baroh kiba la kyrshan ia kane ka jingialeh pyrshah iaka jingpynjot iaka mariang bad ka umbam umdih jong ka shnong Nongtalang baroh kawei. Ka shnong Nongtalang Mission ruh ka dei kawei naki shnong kaban shahktah naka jingkyrduh um lada ka sorkar kam khang iaka jingtih mawshun