Mih ka seng ki nongsam khaw rashon

Jowai, 7 Nailar:
Ha ka jingialang kaba la long ha ka 6 tarik une u bnai, halor ka jingiadei bad ka rukam sam khaw rashon ha East Jaitnia Hills, kane ka jingialng ka la long ha Dkhiah East ha kaba ki rangbah Shonng bad ki dkhot nongialam shnong na kylleng ka East Jaitnia Hills ki la wan poi sha katei ka jingialang.
Ha kane ka jingialang la iakren halor ka jingduna kilo u khaw rashon ba la ioh na ki nongsam ba la bynshet ka sorkar (Wholesalers) nalor ka jingduna ka Umphniang Sharak.
“Ngi la ioh ia ka permit na DC Office (DC Supply) naduh u bnai basan hynrei haduh wat hadien lai bnai katta haduh u bnai August ruh ym pat ioh um phniang”, la pynpaw ka jingialang.
“Ngi ioh ka permit hynrei ngim shym la ioh ia ka umphniang”, la iathuh ki rangbah shnong ka thain.
Bun Sien ki nongsam khaw Rashon ha East Jaintia Hills ki la iakynduh ia ka jingeh halor ka jingduna palat u Khaw ba la sam sha ki da ki Whole Sellers wat lada na ka liang ka DC Office ka la issue ia ka permit kaba biang katkum ka jingdonkam khaw ha ki shnong bapher bapher.
Ha katei ka jingialang, da kawei ka jingmut ka la rai ban thung ia ka Seng ba kyrpang ban peit ia katei ka jingeh jong ki para nongsam khaw Rashon ia kaba la tip kyrteng kum ka Ration Dealers’ Association, East Jaintia Hills (RDAEJH). Ha kane ka jingialang la jied ia u ma Helping Phawa kum u President, u ma Hercules Mutyen (Slong) kum u Vice President, u ma Karload Dkhar kum u General Secretary, Asst. Secretary, Joining Dkhar, Treasurer u ma Bren Shadap nalor ki 20 ngut ki dkhot ka EC.