Ka Shillong ka iahap bha ban ring phlim, ong u Nitin

Shillong, 03 Nailar:
U director ka phlim ‘Ramsingh Charlie’ u Nitin Kakkar u la ong ba mar ia poi ha Shillong u la ioh ring mynsiem da kaba lyer ba thymmai bad ka jingioh mad ia kum kane ka lyer ka pyni ba ka jaka kan dei kaba biang bha na ka bynta ban ring phlim.
U Nitin lem bad u aktor u Kumud Mishra, ka aktres ka Divya Dutta, ki la wan poi ha nongbah Shillong ban iashim bynta ha ka tamasa phlim ba lai sngi kaba sdang lashai ka sngi.
U la pynpaw ia ka jingsngew kyndeh myn-siem bad ka jingkwah eh ban iohi ia ki ar tylli ki phlim Khasi ka Onataah bad u U Syiem ban sa pyni ha kane ka tamasa ba lai sngi.
Kumjuh ka aktres ka Divya Dutta ka la pynpaw ia ka jingkmen ban iadon bynta ha kane ka tamasa khamtam ban iohi ia ka phlim ba ka ak ha nongbah Shillong.
Ia kine ki tyngshop bad ki puron la pdiang sngewbha da u Director ka Information and Public Relation Bah HM Shanpliang. Kin iadon bynta ha ka Indian Panorama Film Festival 2016 ba pynlong da ka tnad Information and Broadcasting ka sorkar pdeng bad ka Directorate ka Information and Public Relation, ka sorkar Meghalaya.
Ia kane ka tamasa phlim yn plie da u Myntri Rangbah ka jylla u Dr. Mukul Sangma por 4 baje janmiet lashai ha U Soso Tham Auditorium.