Kem ki pulit Shallang ia ar ngut ki runar, kiba dawa T.1lak

Nongstoin, 31 Naitung :
Ha ka taiew ba la lah ki pulit ka Shallang, ki la ioh ia ka jingujor na u wei u rangbah u ba na ka shnong Shallang u ba la wan ban u jor sha ki pulit da kaba iathuh ba u la shah byrngem byrsit ha ki riew runar lyngba ka phone bad kitei ki runar, ki la dawa ruh na u tei u rangbah 1 lak tyngka.
Hadien ba ki pulit, ki la ioh ia katei ka jingujor na u tei u rangbah u bym shym la kwah ban pynpaw kyrteng kila pynlong ia ka jingbuddien khnang ban lap ksai ia kitei ki riew runar.
Na ka liang jong u SP ka West Khasi Hills District bah S. Nongtnger u la iathuh ba ki pulit, ki la pynlong ruh ia ka jingpynap shrip ia kitei ki runar naduh ka sngi thohdieng jong ka taiew bala lah.
Shuh shuh u la ong ruh ba hadien ka jingtrei shitom jong ki pulit mynta ka sngi, ki la ioh ban kem noh ar ngut ki runar ki runar kiba don kti ha katei ka kam na kawei ka jaka ha ka thain Shallang katba ki dang thmu ban wanshim ia ka pisa ba kila dawa na u tei u rangbah.
U SP u la iathuh ba ia kitei ki ar ngut kiba la shah kem la tip kyrteng kum u Jun Jun N Sangma bad Kalbin N Marak kiba dei na ka shnong Megapgre Samanda kaba hap hapoh East Garo Hills District.
Ha kaba iadei bad katei ka bynta na ka liang jong ki pulit, ki la register case pyrshah ia kitei ki ar ngut ki runar ha Shallang Police Station.